Blog

Helo!

By Polly Groom in  
September 23, 2018

I ddechrau, helo!  Os ydych chi’n darllen hwn, mae’n golygu eich bod chi wedi dod o hyd i’n tudalen we newydd sbon. Mae ychydig o waith i’w wneud cyn iddi gael ei chwblhau’n llwyr, ond mae golwg dda arni hyd yma, gobeithio’ch bod chi’n cytuno. Ond peidiwch â phoeni – nid yw’r ffaith bod gennym ‘gartref’ go iawn ar-lein erbyn hyn yn golygu na fyddwn ni ar gael ar y cyfryngau cymdeithasol. Ddim o gwbl – mae hynny’n sicr. P’un ai Twitter, Facebook neu Instagram sy’n mynd â’ch bryd, mae’r cyfan wedi ei gynnwys.

Felly, croeso i’n blog! A phwy ydym “ni”?
“Ni” yw staff a chyfranogwyr “Treftadaeth Ddisylw?” – rhaglen sy’n helpu pobl ifanc i gysylltu â threftadaeth, a rhoi cynnig ar nifer o sgiliau, gweithgareddau a chelfyddydau creadigol newydd ar hyd y ffordd. Dros yr wythnosau a’r misoedd nesaf byddwch yn clywed gan amrywiaeth o staff y prosiect, ein partneriaid ac, yn bwysicaf oll, rai o’r bobl ifanc sy’n cymryd rhan. Ond am y tro, gadewch i mi gyflwyno fy hun …

Polly ydw i. Dwi’n gweithio i Cadw ac rwy’n ffodus dros ben i arwain rhaglen Treftadaeth Ddisylw?. Nid rhaglen syml mohoni – mae pum sefydliad gwahanol yn cynnal saith prosiect  bach (gweler ein tudalennau gwe) – a rywsut, rwy’n ceisio cadw llygad ar bob un. Fi sydd hefyd yn gyfrifol am gyflwyno adroddiadau i Gronfa Dreftadaeth y Loteri, a roddodd y grant i ni allu cyflwyno’r prosiect uchelgeisiol hwn, felly mae digon gen i i’w wneud. Mae’r pum swyddog prosiect arall sy’n gweithio ledled Cymru yn wych, diolch i’r drefn – bydd cyfle iddyn nhw gyflwyno eu hunain yn nes ymlaen ar y blog hwn!

Daeth Treftadaeth Ddisylw? i fodolaeth ar ôl sylweddoli dau beth allweddol:
1 – mai pobl ifanc yw’r grŵp oedran lleiaf tebygol i ymgysylltu â threftadaeth
2 – bod llawer o bobl yn ystyried treftadaeth i fod yn rhywle rydych chi’n ymweld ag ef, castell neu blasty efallai.

Felly, nod ein rhaglen yw annog pobl ifanc i ystyried y dreftadaeth ar garreg eu drws, sy’n gwneud i’w tref neu dirwedd edrych fel y mae. Hefyd, roedd angen i ni roi sicrhau bod treftadaeth yn beth deniadol – felly gwnaethom siarad â phobl ifanc ledled Cymru a gweithio gyda nhw i lunio rhaglen o weithgareddau a digwyddiadaudiddorol, llawn hwyl, yn eu barn nhw. Ac mae popeth yn iawn hyd yma …

Join the discussion

  1. Hi! Do you know if they make any plugins to
    help with Search Engine Optimization? I’m trying to get
    my blog to rank for some targeted keywords but I’m not
    seeing very good gains. If you know of any please share.
    Kudos!

  2. I’m no longer positive where you’re getting your info, however great topic.
    I must spend some time finding out much more or figuring out more.

    Thanks for great info I was on the lookout for this information for my mission.

  3. Nice blog! Is your theme custom made or did you download
    it from somewhere? A theme like yours with a few
    simple tweeks would really make my blog jump out. Please let me know where you got your
    design. Thank you

Leave a Reply

Your email address will not be published. Required fields are marked *